Gənclər və İdman Nazirliyi artıq 3 ildir ki, 26 fevral- Xocalı faciəsinin ildönümü münasibəti ilə respublikanın ali və orta ixtisas təhsil müəssisələrinin tələbələri arasında "Mahir nişançı" güllə atıcılığı üzrə turnir keçirir.

Gənclər və İdman Nazirliyinin mətbuat xidmətindən RİYAD MEDİA-ya verilən məlumata görə, tədbirin keçirilməsində əsas məqsəd XX əsrdə Azərbaycan xalqına qarşı erməni millətçiləri tərəfindən törədilmiş soyqırımı qurbanlarının xatirəsini yad etmək, ölkəmizin ərazi bütövlüyünün təmin olunması istiqamətində gəncləri hərbi vətənpərvərlik ruhunda tərbiyə etmək, onlarda hərbi vərdişlərin yaranmasını təmin etmək,gənclərin ordu sıralarında hərbi xidmət keçmə hazırlığının yüksəlməsinə köməklik  göstərmək, eyni zamanda  güllə atııcılğı idaman növünü geniş təbliğ etməkdir.

Gənclər və İdman Nazirliyi  bu il Xocalı faciəsinin 17 ildönümü münasibəti ilə Azərbaycan Dövlət Bədən Tərbiyəsi və İdman Akademiyasında ali təhsil müəssisələrinin tələbələri arasında güllə atıcılğı üzrə turnir keçirəcək. Tədbirdə Bakı şəhərində fəaliyyət göstərən ali təhsil müəssisələri ilə yanaşı, Sumqayıt və Lənkəran şəhərlərindən olan ali təhsil müəssisələrinin komandaları da iştirak edəcəklər. Ümumilikdə turnirə 22 ali təhsil müəssisəsinin komandası qatılacaq.