RİYAD MEDİA-nın xəbərinə görə Milli Məclisin birinci vitse spikeri Ziyafət Əsgərov Azərbaycanla Ermənistan arasında aparılan danışıqlara öz münasibətini bildirərək söyləyib ki, “Bu yaxınlarda G8-lərin görüşündə ABŞ, Rusiya və Fransanın prezidentləri tərəfindən İtaliyada bəyanat verildi. Mən hesab edirəm ki, bu məsələdə müəyyən bir irəliləyiş olmalıdır. Mən bu görüşdən müəyyən bir irəliləyiş gözləyirəm. Hər bir halda indiyə qədər görüşlər olub və yəqin ki bundan sonra da olacaqdır. Amma bir şey bizim üçün əsas olan vacib məsələ aydındır ki, Ermənistan-Azərbaycan Dağlıq Qarabağ problemi Azərbaycanın ərazi bütövlüyü çərçivəsində həll olunmalıdır”.

            Daha sonra Moskva Bəyannaməsinə toxuna Z.Əsgərov bunları deyib: “Keçən il Moskva bəyannaməsi qəbul olunub. Azərbaycanın ərazi bütövlüyü bir nömrəli məsələdir. Azərbaycanın ərazi bütövlüyü müzakirə obyekti deyil. Azərbaycanın suverenliyi ərazi bütövlüyü çərçivəsində əlbətdə danışıqlar aparmaq olar. Məsələnin sülh yolu həll olunması hər iki dövlətin mənafeyinə uyğundur”.