Sumqayıt şəhər Uşaq Xəstəxanasında əsaslı təmir və yenidənqurma işləri davam etdirilir. Sumqayıt şəhər İcra Hakimiyyətindən RİYAD MEDİA-ya verilən məlumata görə, xəstəxananın cərrahiyyə, II və III somatik və somatik reanimasiya, laboratoriya və  I yenidoğulmuşların patologiyası şöbələrinin əsaslı təmiri artıq başa çatıb. Fasad hissəsi tam təmir edilib. 

Hazırda qəbul və inzibati şöbələrində təmir işləri aparılır. Xəstəxanada əsaslı təmir və yenidənqurma işlərinə 2007-ci ildə başlanılıb.

Eyni zamanda Sumqayıtın Tarixi Muzeyi, 1 saylı Uşaq Gənclər İdman Məktəbi, N.Nərimanov adına mədəniyyət evində də hazırda əsaslı təmir və yenidənqurma işləri davam etdirilir.