Bakı. Qafqaz Müsəlmanları İdarəsinin sədri Şeyxülislam Allahşükür Paşazadə iyul ayının 29-da İslam Aləmi Liqasının yaradılmasının 50-ci ildönümünə həsr olunmuş tədbirdə iştirak etmək məqsədilə Səudiyyə Ərəbistanına səfərə yola düşüb.

Qazqaz Müsəlmanları İdarəsinin mətbuat xidmətindən RİYAD MEDİA-ya verilən xəbərə görə, Səudiyyə Ərəbistanının kralı Abdulla bin Əbdüləzizin himayəsi altında keçirilən mötəbər tədbirə İslam aləminin tanınmış dini liderləri və müsəlman ölkələrinin hökumət nümayəndələri dəvət almışlar. Azərbaycanla yüksək səviyyədə münasibətlərə malik İslam Aləmi Liqası ölkəmiz üçün önəm kəsb edən məsələlərə, o cümlədən, Dağlıq Qarabağ probleminin ədalətli həlli, qaçqın və məcburi köçkün vətəndaşlarımızın vəziyyətinə həmişə həssaslıqla yanaşmış nüfuzlu müsəlman təşkilatıdır.

Yubiley tədbirində QMİ sədri  Şeyxülislam Allahşükür Paşazadə həzrətlərinin məruzə ilə çıxış edəcəyi nəzərdə tutulur.