Bakıda 440 ədəd saxta əskinaslar aşkarlanıb. Bakı Şəhər Baş Polis İdarəsinin mətbuat xidmətindən RİYAD MEDİA-ya verilən məlumata görə, Səbail RPİ CAŞ və 8-ci PB-nin əməkdaşlarının keçirdiyi əməliyyat tədbirləri nəticəsində Səbinə Mahmudovanın üzərindən 4 ədəd 20 manatlıq saxta əskinas aşkar edilib. S.Mahmudovanın Babək prospektindəki yaşadığı məmzilinə baxış keçirərkən isə daha 436 ədəd saxta əskinas aşkar edilərək götürülüb.