Bu gün Azərbaycan Respublikasının  Prezidenti İlham Əliyev yenidən qurulmuş Bakı-Şamaxı avtomobil yolunun açılışında iştirak edib. Bu barədə RİYAD MEDİA-ya Nəqliyyat Nazirliyin mətbuat xidmətindən bildiriblər.

Nəqliyyat naziri Ziya Məmmədov dövlət başçısına məlumat verib ki, Bakı-Şamaxı avtomobil yolunun yenidən qurulması layihəsi Azərbaycan hökuməti ilə Beynəlxalq Yenidənqurma və İnkişaf Bankı arasında imzalanan “Azərbaycan magistral avtomobil yolu-2” layihəsi üzrə sazişə uyğun həyata keçirilib. Ölkənin əsas magistrallarından biri olan yol ən müasir texnologiya əsasında qurulub. Yolun ümumi eni 15-17 metrə, bəzi yerlərdə 22 metrə çatır. Yolun hərəkət hissəsi iki, bəzi yerlərdə isə dördzolaqlıdır. Yola 314 min 952 ton iridənəli asfalt-beton örtük döşənib. Layihə üzrə 147 boru-keçidi tikilib, yol üzərindəki 7 körpüdən ikisi təmir olunub, 5-i isə yeni inşa olunub.