Bu barədə Mübariz Əhmədoğlu ötən ayın siyasi yekunlarına dair mətbuat konfransında bildirib. Onun sözlərinə görə Ermənistan ağır şərtlərlə Türkiyə ilə münasibətləri normallaşdırmağa çalışır. ABŞ-n Türkiyəyə təsiri nəticəsində sərhədlərin açılması üçün münbit zəmin yaranıb və altı həftə sonra onlar arasında bu barədə sənəd imzalanacağı gözlənilir. Bu ərfədə Ermənistan prezidenti Serj Sarkisyanın ölkənin xarici ölkələri ilə görüşdə “DQ-nın həllinin uzanacağı barədə səfiri olduğunuz ölkədə məlumat verin” deməsi də əbəs deyil. 

  Əgər Ermənistan ABŞ-üçün Türkiyə ilə sərhədləri açırsa, onda gərək Rusiya üçün də Azəbaycanla sərhədləri açmalıdır. Əgər bunu etmirsə deməli onun məqsədi regionda siyasi vəziyyəti gərginləşdirməkdir. Ekspertlərin hesablamalarına görə keçmiş Sovet dönəmində Ermənistana daşınan yüklərin 85-faizi Azərbaycandan daşınırdı. 

DQ-nın həlli ilə bağlı 3 istimaqət əsasdır: 

1-ci məsələ müharibənin olmasıdır. Ermənistan siyasi yönümdə çalışır ki, beynəlxalq aləm DQ-nın həllində müharibədə maraqlı olsun. 

2-ci məsələ sülhməramlı qüvvələrin müharibə zonasında yerləşdirilməsidir. Bu incə bir məsələdir ki, bu zaman DQ-nın erməni icması bu ordunun tərkibində iştirak etməməlidir. Onlar bu missiyanı yerinə yetirə bilməz. 

3-cü məsələ isə referendumdur hansı ki, DQ-nın statusunu müəyyən edir. Əslində isə DQ-nın statusu artıq müəyyən edilib: a) DQ-nın Azərbaycanlı icması qayıdır b) DQ-nın idarə heyyəti yaradılır, c)əhali arasından hər on min nəfərdən bir nəfər seçilərək, idarə heyyətində təmsil olunur.