“Əmək haqqının artırılması ilə bağlı mənim məlumatıma görə, elə bir bənd nəzərdə tutulmayıb. Mən şəxsən ümid edirəm ki, neftin qiyməti dünyada qalxar, Azərbaycan büdcəsində hər il olduğu kimi düzəlişlər olunanda, yəqin ki müəllimlərin əmək haqlarının artırılması öz əksini tapar”. RİYAD MEDİA-nın xəbərinə görə, bu barədə Təhsil naziri Misir Mərdanov deyib. M.Mərdanov qeyd edib ki, dövlətin büdcəsi hazırlanarkən, hökumətə və parlamentə təqdim olunarkən dəfələrlə onun üzərində iş aparılır.  

Nazir gələn il, bir neçə il əvvəl bundan qabaq başlanılan yeni məktəblərin tikintisi, mövcud məktəblərin həyətində sıxlıq çox olarsa əlavə binaların tikintisi, mövcud məktəblərin cari və əsaslı təmiri, istilik və avadanlıqla təminatı istiqamətində işlərin aparılacağını da qeyd edib.