Bu gün Beynəlxalq Miqrasiya Təşkilatının (BMqT) Azərbaycandakı Nümayəndəliyi “Mingəçevir işıqları” qəzeti redaksiyası ilə birgə Mingəçevir Media Mərkəzində “İnsan alverinə qarşı mübarizə” mövzusunda seminar keçirəcək.  Mingəçevir Media Mərkəzindən RİYAD MEDİA-ya daxil olan məlumata görə, tədbirdə insan alverinə qarşı mübarizə ilə əlaqədar profilaktik tədbirlər, qurbanların qayıdışı və reinteqrasiyası, sığınacaq və qaynar xəttin fəaliyyəti və s. məsələlər barədə iştirakçılara məlumat veriləcək, BMqT-nın yerli qeyri-hökumət təşkilatları ilə əməkdaşlığı barədə təkliflər də nəzərdən keçiriləcək.

Seminara Mingəçevirdə fəaliyyət göstərən QHT-lərin, bələdiyyə və icra hakimiyyətinin nümayəndələri, KİV təmsilçiləri dəvət olunublar. “Təmiz dünya” Qadınlara Yardım İctimai Birliyi üzvlərinin də ekspert qismində tədbirə qatılacağı gözlənilir.