Bu gün Məzahir Pənahovun sədrliyi ilə Mərkəzi Seçki Komissiyasının növbəti iclası keçirilib.
MSK-nın mətbuat xidmətindən RİYAD MEDİA-ya verilən xəbərə görə, iclasda 2009-cu il dekabrın 23-də keçirilimiş bələdiyyə seçkiləri ilə əlaqədar bələdiyyə üzvünün seçilməsi haqqında vəsiqə nümunəsinin təsdiq edilməsinə dair məsələyə baxılıb. 
Komissiyanın sədri bildirmişdir ki, Mərkəzi Seçki Komissiyası 11 yanvar 2010-cu il tarixli qərarı ilə bələdiyyə seçkilərinə yekun vurub. Seçkilərin yekunları elan olunduqdan sonra 5 gün müddətində hər bir bələdiyyə üzvünə bələdiyyə üzvü seçilməsi haqqında müvafiq dairə seçki komissiyası tərəfindən vəsiqə verilməlidir. Həmin Vəsiqənin nümunəsi Azərbaycan Respublikasının Mərkəzi Seçki Komissiyası tərəfindən müəyyən edilməlidir.
MSK-nın katibi Natiq Məmmədov Komissiya üzvlərini bələdiyyə üzvünün seçilməsi haqqında vəsiqənin nümunəsi və bu nümunənin təsdiq edilməsi barədə qərarın layihəsi ilə tanış edib. Mərkəzi Seçki Komissiyası bələdiyyə üzvünün seçilməsi haqqında vəsiqə nümunəsinin təsdiqi olunması barədə qərar qəbul edib.
MSK-nın iclasında cari məsələlərə də baxılıb.