Bu barədə Dini Qurumlarla İş Üzrə Dövlət Komitəsinin sədri Hodayət Orucov jurnalistlərə açqlamada bildirib. RİYAD MEDİA-nın məlumatına görə, H.Orucov 400-ə yaxın dini icmanın onlara müraciət etdiyini və onların sənədlərində təkmilləşdirmə işlərinin aparıldığını bildirib: “Gün ərzində 5-7 dini icma dövlət qeydiyyatına alınır”. 
Hidayət Orucov qeydə alınan icmalar arsında qeyri islami icmaların da olduğunu bildirib: “Qeydə alınmış 90-na yaxın icmanın təxminən 7-8-i qeyri islami icmalardır”.
Onun sözlərinə görə, yaranmış hər bir yeni dini icma DDQİDK-ya müraciət edə bilər. 
Məhərrəm ayında icra olunana dini ayinlərə gəldikdə isə H.Orucov aşura günlərində özünə xəsarət yetirməyin, baş yarıb, qan çıxarmağın İslam adətləri ilə tərs mütənasib hal olduğunu qeyd edib. Onu bəzən ayrı-ayrı qruplar törədir ki, cəmiyyət də bunu pisləyir. 
Dini icmaların qeydiyyatı əsasən başa çatdıqdan sonra, Azərbaycanın dini xəritəsi yenidən işlənəcək.