Bakı. ARDNŞ-nin Gürcüstandakı törəmə müəssisəsi “SOCAR Georgia Petroleum” MMC qonşu respublikada “SOCAR” brendi altında fəaliyyət göstərən yanacaqdoldurma məntəqələri (YDM) şəbəkəsini genişləndirməkdədir. ARDNŞ-dan RİYAD MEDİA-ya verilən məlumata görə, daha 3 yeni, müasir standartlara cavab verən yanacaqdoldurma məntəqəsi istifadəyə verilib.

YDM-lər Gürcüstanın Qori şəhərində, Kutaisi rayonunun Kvitiri qəsəbəsində və Xaşuri rayonunda açılıb. Yeni məntəqələrin istismara buraxılması ilə Gürcüstan ərazisində “SOCAR” brendi ilə fəaliyyət göstərən yanacaqdoldurma məntəqələrinin sayı 37-ə çatıb. Yeni YDM-lərin istifadəyə verilməsinə həsr olunmuş mərasimlərdə “SOCAR Georgia Petrolium” MMC-nin rəhbərliyi və Gürcüstan hökumətinin nümayəndələri iştirak ediblər.