Azərbaycan Mərkəzi Bankı bəyanat yayıb. Bankın mətbuat xidmətindən RİYAD MEDİA-ya verilən məlumata görə, bəyanatda deyilir ki, son günlər bəzi kütləvi informasiya vasitələrində respublikada fəaliyyət göstərən bankların bağlanması, birləşməsi və ya müflisləşməsi ilə əlaqədar məlumatlar verilir.

Azərbaycan Respublikası Mərkəzi Bankı tərəfindən həyata keçirilən tədbirlər nəticəsində ölkəmizin bank sistemi qlobal maliyyə böhranını hazırlıqlı qarşılamış, bank sektorunun maliyyə sabitliyi qorunub saxlanılmışdır. Bank sistemi qlobal maliyyə böhranı şəraitində də inkişaf templərini qorumuş, funksiyalarını səmərəli şəkildə icra etdirmişdir.     

 Banklar fəaliyyətini normal iş rejimində davam etdirirlər, onların maliyyə vəziyyətinə və sağlamlığına hər hansı mənfi təsir göstərəcək risklər mövcud deyildir.