Bakı. Dövlət Sosial Müdafiə Fondunun (DSMF) mərkəzi məlumat bazasında ölkə əhalisinin üçdə biri, yəni 1 308 432 nəfər pensiyaçı və 1 milyon 640 min nəfər sığortaolunan barədə müvafiq məlumatlar toplanıb. DSMF-nın İctimaiyyətlə əlaqələr sektorundan RİYAD MEDİA-ya bildiriblər ki, Fondun yerli şöbələrində müasir kompüter sistemləri qurulub, “1 işçiyə-1 kompüter” prinsipi gerçəkləşib.

      Pensiya və müavinətlərin əhaliyə çatdırılması sahəsində bank infrastrukturundan və elektron hökumət prinsiplərindən səmərəli istifadə olunmuşdur. Azərbaycanda pensiyaların 97,4 faizinin ödənişi plastik kartlarla həyata keçirilir ki, bu da dünyada ən şəffaf praktika hesab olunur.

       Hazırda pensiyaların təyinatının avtomatlaşdırılması sahəsində işlər yekunlaşmaq üzrədir. Bu prosesin başa çatdırılması ilə tam şəffaf sığorta-pensiya sisteminin fəaliyyəti təmin olunacaq.