Azərbaycanda 15-49 yaşlı kişilərin 49% tütünçəkmə ilə məşğuldur. Bu barədə RİYAD MEDİA-ya Azərbaycan Səhiyyə Komunikasiya Assosiyasiyasından bildirilib. Tütün həm çəkənin özünün, həm də ətrafda olan insanların sağlamlığına güclü zərbə vurur. Ümumdünya Səhiyyə Təşkilatının hesablamalarına görə, dünyada tütündən istifadə səbəbindən hər il təxminən 5.4 milyon insan dünyasını dəyişir.
Azərbaycan cəmiyyətinin əsas təsisatlarının tütünçəkmə problemi ilə mübarizə aparmağa hazırlığını təsdiqləmək məqsədilə, “Azərbaycanda Milli Tütünçəkmə ilə Mübarizə Strategiyasının Hazırlanması” layihəsi çərçivəsində Tütünlə Mübarizə üzrə Milli Konfransı keçirilir. 
Konfransda Milli Məclis,Səhiyyə Nazirliyi, Səhiyyə və İdman və Gənclər Nazirliyi, Ailə, Qadın və Uşaq Problemləri üzrə Dövlət Komitəsi, Ombudsman Aparatı, Ümumdünya Səhiyyə Təşkilatı, xarici ekspert və qeyri-hökümət təşkilatların nümayəndələri təqdimatlarla çıxış edib, tütünçəkmə probleminin həll yollarını tapmağa çalışacaq.
“Azərbaycanda Milli Tütünçəkmə ilə Mübarizə Strategiyasının Hazırlanması” layihəsi Azərbaycanda Tütünçəkmənin Azaldılması üçün Blümberq Təşəbbüsünün dəstəyi ilə Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzi, Azərbaycan Səhiyyə Kommunikasiyası Assosiasiyası və ABŞ-ın Cons Hopkins Universitetinin Blümberq İctimai Səhiyyə Məktəbinin Kommunikasiya Proqramları Mərkəzi tərəfindən həyata keçirilir. Bir illik layihə 2009-cu ilin oktyabr ayında başlayıb.