2010-cu il yanvar ayının 1-nə iqtisadiyyatın sahələri üzrə cəmi kredit qoyuluşları 8407,5 mln. manat təşkil edib. Bu barədə RİYAD MEDİA-ya Mərkəzi Bankın Mətbuat xidməti bildiriblər.

Kreditlərin 27,7%-i və ya 2328,9 mln. manatı ev təssərrüfatlarına verilib. Ticarət və xidmət sahəsinə yönəldilən kreditlərin həcmi isə 1834,0 mln. manat (21,8%) olub. Nəqliyyat və rabitə sahəsinin payına kreditlərin 520,4 mln. manatı (6,2%), sənaye və istehsalın payına isə 536,9 mln. manatı (6,4%) düşüb.

Energetika, kimya və təbii ehtiyatlar sahəsinə kreditlərin 1522,0 mln. manatı və ya 18,1%-i, kənd təsərrüfatı və emalına 394,8 mln. manatı və ya 4,7%-i, inşaat və əmlak sahəsinə 576,5 mln. manat (6,9%), digər sahələrə isə 57,5 mln. manatı və ya 0,7%-i yönəldilib.