Cari ilin 9-10 fevral tarixlərində Regional Rabitə Birliyinin (RRB) nizamnamə  sənədlərinin yenidən baxılması üzrə işçi qrupunun 3-cü iclası keçiriləcək. Bu barədə RİYAD MEDİA-ya RİTN-nin mətbuat xidmətindən bildiriblər.

İclasda RRB-nin strukturunun təkmilləşdirilməsi, normativ sənədlərə əlavə və dəyişikliklərin edilməsi məsələlərinə baxılacaq. Müzakirələrin nəticəsi olaraq qərar layihəsinin hazırlanacağı və may ayında Moskva şəhərində RRB-nin administrasiya rəhbərlərinin 42-ci iclasında müzakirə olunacağı nəzərdə tutulub.

Qeyd edək ki, Azərbaycan tərəfdən toplantıda Rabitə və İnformasiya Texnologiyaları Nazirliyinin Hüquq və kadrlar şöbəsinin əməkdaşı Zaur Qəmbarov iştirak edəcək.