Azərbaycan Güləş Federasiyasının 13-18 aprel 2010-cu il tarixdə Bakıda keçiriləcək güləş üzrə Avropa çempionatı üçün loqo müsabiqəsi başa çatıb. Gənclər və İdman Nazirliyinin  mətbuat xidmətindən RİYAD MEDİA-ya verilən məlumata görə, müsabiqəyə 200-dən artıq loqo nümunəsi təqdim olunub. Onlar arasından biri seçilmiş və çempionatın rəsmi loqosu kimi təsdiqlənmişdir. Avropa çempionatının rəsmi loqosunun müəllifi isə, Moskvada yaşayan 23 yaşlı həmyerlimiz Şamil Ramazanovdur. Qeyd edək ki, Şamil uzun müddətdir dizaynerliklə məşğuldur və həm də Britaniya İncəsənət və Dizayn Ali Məktəbinin tələbəsidir. Qeyd edək ki, AGF tərəfindən müsabiqənin qalibinə 500 AZN mükafat nəzərdə tutulub.