Demokratik İslahatlar Partiyasının sədri, millət vəkili Asim Mollazadə amerikalı konqresmen Adam Şiffin ermənilərin Sumqayıtdan çıxmasının 22-illiyi ilə əlaqədar verdiyi bəyanatına öz münasibətini bildirib. A.Mollazadə RİYAD MEDİA-ya onu da bildirib ki, həmin konqresmen uzun illərdir ki, erməni lobbisinin, disaporasının maliyyə dəstəyi ilə fəaliyyət göstərir və onları müdafiə edir: “Yaxşı olardı ki Adam Şiff keçmiş SSRİ-nin, KQB-nin əmməlləri, Eduard Qriqoryanın Sumqayıtda törətdiyi hadisələri araşdırsın. Günahı olmayan Azərbaycanı niyə günahlandırır?”.

            DİP sədri onu da əlavə edib ki, “Xocalıya Ədalət” Kampaniyası ABŞ-da da təbliğ olunduğundan, belə bir bəyanatın verilməsi amerikalıların fikrini bu kampaniyadan yayındırmaq məqsədi daşıyır.