Fevralın 27-də Azərbaycan Dillər Universitetinin (ADU) Praktik alman dili kafedrasının təşkilatçılığı ilə tanınmış pedaqoq, pedaqoji elmləri doktoru, ADU-nun Pedaqogika kafedrasının müdiri, professor Nurəddin Kazımovla görüş keçirilib. Bu barərdə RİYAD MEDİA-ya ADU-nun mətbuat xidmətindən bildiriblər.

Tədbirdə ənənəvi pedaqogika ilə milli pedaqogikanın oxşar və fərqli cəhətləri müzakirə olunub. Professor N.Kazımovun sözlərinə görə, məşğələlər zamanı biliklə yanaşı, tələbələrə həm tərbiyə aşılanmalı, həm də onların psixi inkişafının əlamətləri öyrənilməlidir. Tədrisdə milli və ümumbəşəri ideologiyalar aşılanmalıdır ki, bu kontekstdə də güclü vətəndaş yetişdirmək mümkündür. Digər pedaqoji problemlərin də müzakirə edildiyi görüşün sonunda N.Kazımov müəllifi olduğu “Pedaqoji ustalığın problemləri” kitabını kafedraya hədiyyə edib, həmçinin gənc müəllimlərə məsləhət və tövsiyyələrini verib.