Bakı. “Neft Daşları” yatağındakı 1887 saylı meydançadan 2271 nömrəli quyu yüksək debitlə istismara verilib. ARDNŞ-dan RİYAD MEDİA-ya bildiriblər ki, 2635 metr dərinliyə qazılmış quyudan 2570-2590 metr intervalda - Qirməkiüstü lay dəstəsindən gündəlik debiti 65 ton neft hasil edilir. Burada qazma işlərinə aprelin 18-dən başlanıb.

Quyu Kompleks Qazma İşləri Trestinin “Bayıl Limanı” Dəniz Kəşfiyyat Qazma İşləri İdarəsi tərəfindən qazılıb. 1887 saylı meydançada ilk quyunun qazılmasına 6 sentyabr 2006-cı ildə başlanıb. Bu günədək 22 quyu qazılaraq istismara daxil edilib.