Bakı. ARDNŞ-nin Marketinq və İqtisadi Əməliyyatlar İdarəsi 2010-cu ilin mart ayında 13 min 317 ton avtomobil benzini, 177 min 499 ton dizel yanacağı, 11 min 309 ton təyyarə yanacağı, 235 ton soba mazutu ixrac edib. Bu barədə RİYAD MEDİA-ya ARDNŞ-dan bildiriblər. Ümumilikdə isə 2010-cu ilin yanvar-mart ayları ərzində 32 min 164 ton avtomobil benzini, 450 min 608 ton dizel yanacağı, 26 min 295 ton təyyarə yanacağı, 235 ton soba mazutu ixrac edilib.

2010-cu ilin mart ayında dünya bazarında avtomobil benzininin qiyməti (1 ton üçün) 756,54 dollar, təyyarə yanacağının – 686,91 dollar, dizel yanacağının – 654,12 dollar, 1%-li kükürdlü mazutun qiyməti isə 463,32 dollar təşkil edib.