Barselonada keçirilən Mobile World Congress tədbirində iştirak edən Google şirkəti mobil telefonun kamerası ilə çəkilmiş mətnin tərcümə olunması texnologiyasını təqdim edib. Proqram təsviri şirkətin serverlərinə göndərir, burada təsvirdə əksə olunan mətn tərcümə olunaraq geridən telefona ötürülür.  

RİYAD MEDİA-nın xəbərinə görə, yeni proqram təminatının təqdimatı çərçivəsində şirkətin icraçı direktoru Erik Şmidt alman restoranının menyusundakı mətn əks olunmuş fotoşəkili bir neçə saniyədən sonra ingilis dilinə tərcümə edilməsini nümayiş etdirib.

Qeyd etmək lazımdır ki, bu cür proqramlar artıq mövcuddur, lakin Google-ın göstərdiyi əlavədən fərqli olaraq bundan əvvəl təqdim olunmuş texnologiyalar məlumatları elə telefonun özündə emal edir. E.Şmidtin sözlərinə görə, təsvirin serverlərə göndərilməsi tərcümənin keyfiyyətini və sürətini artırmağa imkan verəcək. O bildirib ki, yeni xidmət mobil telefonları bir neçə dildə işləməsin təmin olunması istiqamətində atılan ilk addımdır.