Fevralın 16-sı Azərbaycan Media Mərkəzinin təşkilatçılığı ilə həvəskar operatorlar üçün “Sənədli müsahibəni necə çəkmək lazımdır?” adlı birgünlük təlim keçirilib. RİYAD MEDİA-nın xəbərinə görə, təlimi Amerikalı kinooperator, Dövlət Departamentinin Fulbrayt təqaüdü ilə Azərbaycanda səfərdə olan Tomas Börns aparıb.

Təlimdə həvəskar operatorlar sənədli intervyu çəkmək üçün lazım olan nəzəri və texniki biliklərlə tanış olublar. Həmçinin əsas vurğu işıq və işıqlandırma sisteminə yönəldilib.

Təlimi uğurlu başa vuran iştirakşılara sertifikatlar da verilib.

Qeyd edək ki, bu təlimdə “RİYAD MEDİA” İnformasiya Agentliyinin də əməkdaşı iştirak edib.